23
Jun
2016

Watt A Box – ყუთი KFC-სგან, რომელიც შიმშილის მოკვლის გარდა, კიდევ ერთ მნიშვნელოვან პრობლემასაც მოგიგვარებთ

23 Jun 2016



ყველა სმარტფონს ერთი ნაკლი აქვს. როდესაც არ უნდა დაჯდეს ელემენტი – ეს ყოველთვის უდროო მომენტია! KFC-მ ახალი ყუთი, სახელად Watt A Box, გამოუშვა. მისი საშუალებით, შეგიძლიათ არამხოლოდ საყვარელი მენიუთი დატკბეთ, არამედ დამჯდარი სმარტფონიც დამუხტოთ.  ყუთში, სწრაფი კვების პოპულარულ კერძებთან ერთად, კომპანიამ ტექნიკური მოწყობილობაც მოათავსა. ეს არის KFC-ს დიზაინის მქონე პორტატული დამტენი და სადენი. მოწყობილობის საშუალებით, საყვარელი საკვების მირთმევის პარალელურად, მომხმარებელი ტელეფონის დამუხტვასაც შეძლებს.

სააგენტო Blink Digital-მა სწრაფი კვების ობიექტის ამ ახალი სერვისის შესახებ, იუმორისტული სარეკლამო რგოლი შექმნა. სადაც დასამუხტი სმარტფონის უდროო გათიშვით გამოწვეული უხერხული სიტუაციაა ნაჩვენები.

 

 

KFC არ არის პირველი კვების ობიექტი, რომელმაც თავის მომსახურებაში ტექნოლოგიური ელემენტი ჩართო. მაგალითად, Pizza Hut-მა მომხმარებელს პიცის ისეთი ყუთი შესთავაზა, რომლის პროექტორად გადაკეთებაა შესაძლებელი.

განხილვა