იაპონიაში გამართულ ვენდის საერთაშორისო კონვენციაზე საქართველოს „ვენდიმ“ “Diamond Award 2018” ჯილდო მიიღო. “Diamond Award” არის ვენდის სისტემაში არსებული უმაღლესი ჯილდო, რომელსაც ყოველწლიურად, მსოფლიოს მასშტაბით, იღებს ის ქვეყანა, რომელიც წლის მანძილზე გამორჩეული იყო ყველაზე ეფექტური მარკეტინგული აქტივობებით.
ელენე კოხრეიძე – ვენდის მარკეტინგის დირექტორი: „2018 წელი საკმაოდ პროდუქტიულია ვენდისთვის. მრავალი მნიშვნელოვანი პროექტი განვახორციელეთ ჩვენს ამერიკელ პარტნიორებთან ერთად. მათ შორის, ერთ-ერთი აღსანიშნავი იყო მექსიკური პროდუქტების “Arrriba Trio-ს“ ჩაშვება ქართულ ბაზარზე. ამ პროდუქტებმა დიდი წარმატება მოგვიტანეს, რაც, პირველ რიგში, გაყიდვების ზრდაში აისახა. კამპანიის კრეატიულ მხარეზე სააგენტო Watergunz-თან ერთად ვიმუშავეთ“.
„პროდუქტების ლოკალიზაციამ და ეფექტურმა მარკეტინგულმა აქტივობებმა, შედეგად, ჩვენს რესტორნებში მომხმარებლების რაოდენობის ზრდა მოიტანა, რაც, ბუნებრივია, ძალიან გვახარებს და სტიმულს გვაძლევს. საქართველოში დამზადებული, ყოველდღიურად ახალი საქონლისა თუ ფრინველის ხორცი, პური და სხვა ინგრედიენტები ჩვენს პროდუქტებს განსაკუთერბულ გემოვნურ თვისებებს სძენენ და მომხმარებელში ჩვენი ბრენდისადმი მაღალი სანდოობის ხარისხს განაპირობებენ. ამ ყველაფერთან ერთად, სწორად გათვლილი მარკეტინგული აქტივობები, საბოლოოდ, საინტერესო შედეგებს იძლევა და “Diamond Award 2018” ჯილდოს მოპოვებაც სწორედ ამის აღიარებაა.
„ვენდის“ მთავარი განმასხვავებელი ნიშანი პროდუქტების ძალიან მაღალი ხარისხია და ბრენდის მთავარ დანაპირებს – „ხარისხი ჩვენი რეცეპტია“ ჩვენ არასოდეს არ ვუღალატებთ“, – ელენე კოხრეიძე.
[R]
