მარკეტერი ექსკლუზიურად წარმოგიდგენთ ქართველი დიზაინერის – Wer Michèlle-ის პროექტს, რომლითაც უკვე დაინტერესდა ჩინეთის უმსხვილესი გამომცემლობა და აღნიშნული ილუსტრაციები მათ წიგნში Green+ ი მოხვდება. ჩვენ პროექტის ავტორს ვესაუბრეთ:
ურთიერთდამოკიდებულება ცხოველებსა და მცენარეებს შორის,
სამწუხარო რეალობაა, მაგრამ ყველასთვის ცნობილია, რომ ადამიანების ძალიან მცირე ნაწილს თუ ადარდებს ფლორა ან ფაუნა და მისი მომავალი.
მცენარეების განადგურება, გარემოს დაბინძურებით თუ სხვა გზებით, საფრთხეს უქმნის არა მხოლოდ ადამიანის სიცოცხლეს ამ პლანეტაზე, ხელს უშლის ცხოველების ჯანმრთელ არსებობასაც, რადგან ბუნების და ცხოველების ურთიერთდამოკიდებულება ძალიან მკაფიოა.
ამ იდეის გარშემო შევქმენი ნამუშევარი, სადაც გეომეტრიული ფიგურები განასახიერებენ მცენარეებს, რომლებსაც ძაფით კავშირი აქვთ ცხოველის სილუეტთან, თუ არა ბუნება, ვერ იარსებებს ცხოველი.
