კანადაში არსებულმა ავიაკომპანიამ WestJet გადაწყვიტა, ახალი ნამუშევრით მისი კონკურენტების მომხმარებლებისადმი მიდგომა და ამით, საკუთარი უპირატესობა წარმოეჩინა.
სააგენტო Rethink-თან თანამშრომლობით შეიქმნა გზავნილი: „ჩვენ ადამიანებს ადამიანურად ვეპყრობით“, ვიზუალურად კი სიუჟეტი ასე გადაწყდა:
აეროპორტი პირუტყვით გაავსეს და ზუსტად იმ სიტუაციაში ჩააგდეს, რასაც ხშირად ადამიანები აწყდებიან ხოლმე: ფრენის გადადება ან გაუქმება, ვალდებულების შეუსრულებლობა და სხვა, რომელზეც ძროხების ნეგატიური რეაქცია გაბმული „მუუთი“ გამოიხატება.
რეკლამა არა მეტაფორული, არამედ რეალური ადამიანებით სრულდება, რომლებიც აეროპორტში რეგისტრაციას გადიან. ეკრანზე კი ჩნდება ტექსტი: „ჩვენ გვჯერა, რომ ავიაკომპანიები ადამიანებს ადამიანურად უნდა ეპყრობოდნენ“.
https://www.youtube.com/watch?v=isOwg1x9-rg
იმ შემთხვევაში, თუ კითხვა გაქვთ, აეროპორტი მართლა ამდენი ძროხით გაავსეს, თუ არა, შეგიძლიათ, რეკლამის შექმნის პროცესიც იხილოთ.
„ძროხების უსაფრთხოება პრიორიტეტად დავისახეთ“, – ამბობს რეჟისორის პირველი ასისტენტი. ისინი იცვლებოდნენ და გადაღების პროცესში არცერთი არ დასტრესილა.
https://www.youtube.com/watch?v=Fmrt446-7So
