in

ყველაფერი, რაც არისტოკრატიულ დივიდენდებსა და დივიდენდის არისტოკრატ კომპანიებზე უნდა ვიცოდეთ!

თუ ჩვენი რუბრიკის აქტიური მკითხველი ხართ, ალბათ, უკვე გაეცანით იმ კომპანიებსა თუ ფონდებს, რომელთა დახმარებითაც საინვესტიციო პორტფელი კიდევ უფრო მრავალფეროვანი ხდება. თითოეული მათგანი განსხვავებულ შესაძლებლობებს და, გამოტანილი აქციების შეძენის შემთხვევაში, სხვადასხვა ტიპის მოგებას იძლევა.

ინვესტორებს განსაკუთრებით უყვართ ისეთი ფასიანი ქაღალდების შეძენა, საიდანაც დამატებით დივიდენდებს იღებენ და მათ საინვესტიციო პორტფელში პასიური შემოსავლები ჩნდება. არსებობს ამ, დივიდენდების მომტანი აქციების სხვადასხვა ტიპი, თუმცა, მათ შორის ყველაზე ცნობილი და პოპულარული არისტოკრატიული დივიდენდებია.

ინვესტიციის ასეთ საშუალებას ყველა კომპანია არ იძლევა. საამისოდ, საჭიროა, თავად აკმაყოფილებდეს შემდეგ კრიტერიუმებს: – იყოს საჯარო ვაჭრობის კომპანია, რომელიც თითოეულ ინვესტორს, უხდის დივიდენდს, ბოლო 25 წლის განმავლობაში. ასევე – უნდა იყოს S&P 500-ის წევრი. ასეთ კომპანიებს სახელიც შესაბამისი აქვთ: დივიდენდის არისტოკრატები.

„[არისტოკრატიული დივიდენდები] ფინანსურ პორტფელზე მოსხმული ცხარე სოუსია, რომლითაც ის უფრო გემრიელი ხდება“, – ამბობს ჯორდან ბენოლდი, Planning-ის სერტიფიცირებული ფინანსური დამგეგმავი.

დღევანდელი მონაცემებით, მსოფლიოს მასშტაბით, 65 დივიდენდის არისტოკრატი არსებობს. ამ სიას ყოველ წელს ის კომპანიები ემატება, რომლებიც სტაბილურად უხდიან დივიდენდებს თითოეულ ინვესტორს, 25 წლის განმავლობაში. ოღონდ, თუ რომელიმე წელს მის ჩვეულებისამებრ გაზრდას ვერ მოახერხებს,  ათვლა თავიდან იწყება და კიდევ 25 წელი უნდა გავიდეს, რომ დივიდენდი არისტოკრატების სიაში მოხვდეს.

ახლა გაგაცნობთ, 2021 წლის 65 დივიდენდის არისტოკრატ კომპანიებს: 

COMPANY SECTOR YEARS OF DIVIDEND GROWTH
3M (MMM) Industrials 63
A.O. Smith (AOS) Industrials 28
Abbott Laboratories (ABT) Health care 49
AbbVie (ABBV) Health care 49
Aflac (AFL) Financials 38
Air Products and Chemicals (APD) Materials 39
Albemarle Corp. (ALB) Materials 27
Amcor PLC (AMCR) Materials 38
Archer-Daniels-Midland Co. (ADM) Consumer staples 47
AT&T (T) Communications services 36
Atmos Energy Corp. (ATO) Utilities 34
Automatic Data Processing (ADP) Information technology 46
Becton, Dickinson & Co. (BDX) Health care 49
Brown-Forman Corp. (BF-B) Consumer staples 37
Cardinal Health (CAH) Health care 34
Caterpillar (CAT) Industrials 27
Chevron (CVX) Energy 34
Chubb (CB) Financials 28
Cincinnati Financial (CINF) Financials 61
Cintas Corp. (CTAS) Industrials 37
The Clorox Co. (CLX) Consumer staples 45
The Coca-Cola Co. (KO) Consumer staples 59
Colgate-Palmolive (CL) Consumer staples 59
Consolidated Edison (ED) Utilities 47
Dover (DOV) Industrials 65
Ecolab (ECL) Materials 29
Emerson Electric (EMR) Industrials 59
Essex Property Trust Inc. (ESS) Real estate 27
Expeditors International of Washington Inc. (EXPD) Industrials 27
ExxonMobil (XOM) Energy 37
Federal Realty Investment Trust (FRT) Real estate 49
Franklin Resources (BEN) Financials 40
General Dynamics (GD) Industrials 30
Genuine Parts (GPC) Consumer discretionary 65
Hormel Foods (HRL) Consumer staples 55
Illinois Tool Works (ITW) Industrials 50
International Business Machines (IBM) Information technology 25
Johnson & Johnson (JNJ) Health care 59
Kimberly Clark (KMB) Consumer staples 48
Leggett & Platt (LEG) Consumer discretionary 50
Linde (LIN) Materials 28
Lowe’s (LOW) Consumer discretionary 47
McCormick & Co. (MKC) Consumer staples 35
McDonald’s (MCD) Consumer discretionary 44
Medtronic (MDT) Health care 43
NextEra Energy Inc. (NEE) Utilities 25
Nucor (NUE) Materials 48
Pentair (PNR) Industrials 44
People’s United Financial (PBCT) Financials 28
PepsiCo (PEP) Consumer staples 48
PPG Industries (PPG) Materials 49
Procter & Gamble (PG) Consumer staples 65
Realty Income Corp. (O) Real estate 26
Roper Technologies (ROP) Industrials 28
S&P Global (SPGI) Financials 48
Sherwin-Williams (SHW) Materials 42
Stanley Black & Decker (SWK) Industrials 53
Sysco (SYY) Consumer staples 41
T. Rowe Price Group (TROW) Financials 35
Target (TGT) Consumer discretionary 49
VF Corp. (VFC) Consumer discretionary 49
W.W. Grainger (GWW) Industrials 50
Walgreens Boots Alliance (WBA) Consumer staples 45
Walmart (WMT) Consumer staples 48
West Pharmaceutical Services Inc. (WST) Health care 28

დივიდენდის არისტოკრატების შემთხვევაში, აუცილებელია სტაბილურობა და გადამწყვეტი მნიშვნელობა არ აქვს, რა თანხას იხდის კომპანია, ამ დამატებითი შემოსავლის სახით. არსებობს  ცნება დივიდენდის შემოსავალი. ეს არის კოეფიციენტი, საიდანაც ინვესტორი იგებს, აქციების  ღირებულების რამდენ პროცენტს უხდიან, ყოველწლიურად.

წლევანდელ სიაში, არის 15 კომპანია, რომლებიც ყველაზე მაღალ დივიდენდებს გასცემენ. ესენია:

COMPANY DIVIDEND YIELD
AT&T (T) 6.93%
T Rowe Price (TROW) 6.15%
ExxonMobil (XOM) 5.80%
Chevron (CVX) 5.05%
AbbVie (ABBV) 4.91%
Illinois Tool Works (ITW) 4.51%
Peoples United Financial (PBCT) 4.03%
Amcor (AMCR) 4.01%
Consolidated Edison (ED) 3.99%
Federal Realty Investment Trust (FRT) 3.54%
Kimberly-Clark (KMB) 3.54%
Franklin Resources (BEN) 3.51%
Cardinal Health (CAH) 3.44%
Walgreens Boots Alliance (WBA) 3.42%
Leggett & Platt (LEG) 3.22%

ვისთვის არის კარგი დივიდენდის არისტოკრატთა აქციებში ინვესტიცია? 

ნებისმიერი ინვესტიციის მსგავსად, დივიდენდის არისტოკრატთა აქციებს მნიშვნელოვანი როლი აქვს, საინვესტიციო პორტფელისთვის. ისინი სტაბილური დივიდენდური მოგების მიღების შესაძლებლობას იძლევიან და რაც მთავარია, გრძელვადიან პერსპექტივაში.

„ეს არ ნიშნავს ყოველთვის ყველაზე მაღალ დივიდენდურ შემოსავალს“ , – ამბობს ბრეტ მაიკოვსკი, THM Wealth Management-ის საინვესტიციო მრჩეველი – „მაგრამ ნიშნავს ყველაზე სტაბილურ, თანმიმდევრულ და მზარდ შემოსავალს“.

სფეროს ექსპერტები ამბობენ, რომ დივიდენდური არისტოკრატების აქციებში ინვესტირება მათთვის არის კარგი, ვისაც მუდმივი ხარჯებისა და ცხოვრების სტილის გამო, სტაბილური შემოსავალი სჭირდება. როგორც წესი, მსგავს ინვესტიციას, პენსიაზე გასვლის შემდეგ დებენ ხოლმე, რადგან ამ დროს, ადამიანისთვის მნიშვნელოვანია პერმანენტული, სტაბილური შემოსავალი და არა – ზოგადი კაპიტალის ზრდა.

დივიდენდის არისტოკრატების აქციების შეძენა, შესაძლოა, საინტერესო იყოს ახალგაზრდა ინვესტორებისთვისაც – აქ ფულის ჩადებით, თქვენ როგორც ინვესტორი მიიღებთ სტაბილურ,  გრძელვადიან დივიდენდს, რომელსაც შემდეგ, რეინვესტირების სახით,  სხვა  ტიპის აქციებში დააბანდებთ. ამით, დივიდენდური მოგების მიღების გარდა, ზოგადი კაპიტალიც გაგეზრდებათ.

ერთი შეხედვით ასეთი მიმზიდველი პირობების მიუხედავად, სანამ დივიდენდის არისტოკრატებში თუ სხვა ტიპის კომპანიაში ან ფონდში ინვესტიციას ჩადებთ, კარგად გაიაზრეთ თქვენი საჭიროებები და ინტერესები, აწონ – დაწონეთ რისკები და ბენეფიტები. მხოლოდ ამის შემდეგ მიიღეთ გადაწყვეტილება!

 


ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა, გამოიწვიოს არსებითი დანაკარგები, ისევე როგორც – მოგება. ამიტომ, დეტალურად უნდა გააანალიზოთ, რამდენად მისაღებია ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა, აიღოთ თანხის დაკარგვის მაღალი რისკი. ვაჭრობის/ინვესტირების განხორციელება არანაირი ფორმით არ უზრუნველყოფს მოგებას.

რუბრიკას წარმოგიდგენთ „გალტ & თაგარტი“, წამყვანი საინვესტიციო ბანკი საქართველოში, რასაც Global Finance-ს მრავალი ჯილდო ადასტურებს. კომპანია 20 წელია, ბაზარზე ფუნქციონირებს და როგორც ადგილობრივ, ისე საერთაშორისო მომხმარებლებს სთავაზობს ყველა ტიპის საინვესტიციო მომსახურებას: საბროკერო და კვლევით მიმართულებებს, საინვესტიციო ბანკინგს, აქტივებისა და ქონების მენეჯმენტს.

ავტომობილი, როგორც სპორტული იარაღი – Alfa Romeo-ს ისტორია

Instagram ახალ, Take a Break ფუნქციას ტესტავს!