საზოგადოების გარკვეული ნაწილისთვის ჩაცმულობა და ვიზუალი უკვე საკმაოდ საფუძვლიანი საბაბია სექსუალური ძალადობისთვის. კიდევ უფრო საგანგაშოა ის ფაქტი, რომ მოძალადის გამამართლებელი საბუთი მსხვერპლი და მისი ტანსაცმელია. ორგანიზაცია PAVE-მა, სააგენტო BBDO-ს დახმარებით, სარეკლამო ვიდეორგოლი შექმნა, რომელიც კიდევ ერთხელ გვიჩვენებს, თუ რამდენად არასწორია მსგავსი მიდგომა და რომ პრობლემა სერიოზულად მოითხოვს საზოგადოებაში ცნობიერების ამაღლებას.
