საქართველოს ხუთი ეროვნული პარკი World Travel Awards-ის 2020 წლის, 27-ე დაჯილდოებაზეა ნომინირებული. ნომინაციაში „საქართველოს წამყვანი ეროვნული პარკი 2020“ წარდგენილა:
- ბორჯომ-ხარაგაულის ეროვნული პარკი
- კოლხეთის ეროვნული პარკი
- ლაგოდეხის ეროვნული პარკი
- მტირალას ეროვნული პარკი
- ყაზბეგის ეროვნული პარკი
„თქვენი რჩეული პარკისთვის ხმის მიცემა World Travel Awards-ის ოფიციალურ გვერდზე, 2 მარტიდან 10 მაისის ჩათვლითაა შესაძლებელი. გამარჯვებული კი 20 ივნისს გამოვლინდება“.
თუ გსურთ, ხმა მისცეთ საკუთარ რჩეულს, ნახეთ „საქართველოს ეროვნული პარკების“ ინსტრუქცია:
World Travel Awards ტურიზმის სექტორში მსოფლიოში ცნობილი, ფართომასშტაბიანი, ყოველწლიური დაჯილდოებაა, რომლის მიზანიც ამ სექტორის პოპულარიზაცია და რეგიონების საუკეთესო ტურისტული მიმართულებების გამოვლენაა.
