„ზაფხულის ცხელ დღეებში აუცილებელია სითხის მიღება“, — ხშირად გვესმის ეს ფრაზა, მაგრამ რამდენი ან როგორ უნდა მივიღოთ საჭირო სითხე?
სეზონთან ერთად, იცვლება ადამიანის ორგანიზმის მოთხოვნილება, მდგომარეობა და შემადგენლობაც კი… სწორედ ამიტომ, ექიმი-ნუტრიციოლოგი მარი მალაზონია საზაფხულოდ გირჩევთ:
- წყალი დავლიოთ მაშინ, როცა გვშია! რადგან ხშირად გვიჭირს განვასხვაოთ შიმშილი წყურვილისგან.
- ზაფხულის ცხელ დღეებში არ დაგავიწყდეთ საკმარისი მოცულობით წყლის მიღება!
- ჩვეულებრივ, ჩვენი ორგანიზმისთვის საჭირო წყლის რაოდენობა, საშუალოდ, სხეულის ყოველ 1 კგ-ზე 30-40 მლ-ია.
- გაითვალისწინეთ: გარემოს ტემპერატურის მატება და ფიზიკური აქტივობა წყალზე მოთხოვნილებას ზრდის!
- ოფლიანობისას, წყალთან ერთად, ვკარგავთ „მარილებს“ (ელექტროლიტებს).
- ამიტომ ზაფხულის ცხელ დღეებში ჭარბოფლიანობისას, მინერალური წყალი კარგი არჩევანია დანაკარგის შესავსებად.
- მიუხედავად ამისა, მინერალური წყალი სასმელი წყლის ალტერნატივა არ არის! ამიტომ ნუ დალევთ მინერალურ წყალს სასმელი წყლის ნაცვლად!
- საკუთრივ, წყლის გარდა, წყლის წყაროდ შეიძლება განვიხილოთ: რძე, წვენები, ნაყენები, კომპოტები, წვნიანი კერძები და მსგავსი პროდუქტები, უპირველესად, წყალუხვი ხილი და ბოსტნეული.
- გაითვალისწინეთ, რომ, მაგალითად, საზამთროს ან ისპანახის წონის თითქმის 100% წყალია, ზოგადად, ხილსა და ბოსტნეულში – 80-95%, ხორცეულში – 50%-მდე, პურსა და ყველში – 35%-მდე.
- ენდემური სეზონური ბოსტნეული და ხილი, ამავე დროს, ვიტამინებითა და მინერალებით შევსების საუკეთესო საშუალებაცაა.
მარი მალაზონიას „კვებითი შუქნიშანი“ | წიგნის ონლაინ შეძენა შეგიძლიათ ბმულზე https://bit.ly/3SihMOg
[R]
