Young Lions Georgia 2019-ის მარკეტერების კატეგორიის ჟიურის ვინაობა ცნობილია. კანის ახალგაზრდულ კონკურსზე მარკეტერებმა დავალება 12 აპრილს მიიღეს. ბრიფის ფარგლებში, მათი მიზანია, ადამიანები საკუთარი სტარტაპების წამოწყებისკენ წაახალისონ. დავალებაზე სამუშაოდ, მარკეტერებს 24 საათი ჰქონდათ. მეორე ეტაპზე, 10 რჩეული გუნდი ჟიურის წინაშე წარადგენს საკუთარ იდეას. ვინ გავიდა საუკეთესო ათეულში და როდის იქნება მეორე ეტაპი, რამდენიმე საათში გახდება ცნობილი, მანამდე კი, მარკეტერების ჟიურის წევრებს გაგაცნობთ:
დათო ჯაში – დირექტორი, BetterFly DDB
რუსო გიგინეიშვილი – მმართველი დირექტორი, Saatchi & Saatchi Tbilisi
გიორგი ავალიანი – დამფუძნებელი და ნულოვანი კრეატიული დირექტორი, Holy Motors
თათუკა ჯავახიშვილი – კაპიტანი, Elliot
გაგა დარსალია – დამფუძნებელი და დირექტორი, Redberry • რედბერი
გიო ქვლივიძე – უფროსი არტ დირექტორი, HOLMES&WATSON
მიხაილ უსტინოვი – კრეატივის დირექტორი, BetterFly DDB
ალექსანდრე ციცქიშვილი – არტ დირექტორი, JWT Metro
ანა მარკოზაშვილი – 2016 წლის Young Lions-ის გამარჯვებული
მარიამ ბაჯელიძე – დირექტორი, Socialsharks
ბაჩო მებურიშვილი – დამფუძნებელი, Watergunz
თამარა ბასილაია – მარკეტინგის მენეჯერი, Red Bull Georgia & Armenia
ქეთა ყავლაშვილი – კლიენტის მომსახურების დირექტორი, HOLMES&WATSON
ნინო კუპრაშვილი – სტრატეგიული დირექტორი, Leavingstone
ბუბა რადიანი – კრეატივის დირექტორი, Kollektiv
თამთა ასლანიშვილი – მარკეტინგის დეპარტამენტის ხელმძღვანელი, MBC ემ ბი სი
კანის ახალგაზრდული კონკურსი, საქართველოში, უკვე ხუთი წელია ტარდება. წელს, კონკურსზე 173 გუნდი დარეგისტრირდა, რაც მონაწილეთა რეკორდული რაოდენობაა საქართველოში. ხუთი კატეგორიის გამარჯვებული გუნდები საფრანგეთში, კანის კრეატიულ ფესტივალზე, საქართველოს სახელით იბრძოლებენ. კანის ახალგაზრდულ კონკურსზე საქართველოს უკვე აქვს მოპოვებული ერთი ოქრო, ახალგაზრდა მარკეტერების კატეგორიაში. ასევე, ქართულ სააგენტოებს მოპოვებული აქვთ 2 ვერცხლისა და 2 ბრინჯაოს ლომი. Cannes Lions სარეკლამო ინდუსტრიის ყველაზე პრესტიჟული ჯილდოა. ფესტივალს 65 წლიანი ისტორია აქვს.
ავტორი: თამარ მეფარიშვილი
