მათთვის, ვისაც ფოტოების და ვიდეოების გადაღება, გარემოს და ადამიანების აღბეჭდვა უყვარს, კარგი სიახლე გვაქვს, რომელიც შოტლანდიური ვისკის ბრენდ „გლენმორანჯს“ უკავშირდება… ეს უკანასკნელი საქართველოში ფოტომარათონს იწყებს, რომლის მთავარი იდეაც ყველაზე ფერადი კადრის გადაღებაა — ყველაზე ფერადი ფოტოს სამი ავტორი კი ბრენდის ჩვეული, განსაკუთრებული გამოცდილებით დასაჩუქრდება.
რა თქმა უნდა, ფოტომარათონის ორგანიზატორები სათითაოდ არ დაიწყებენ კადრებში წარმოდგენილი ფერების დათვლას. ამის ნაცვლად, მათ სპეციალური ფილტრი შეიმუშავეს, რომელიც ავტომატურად დაითვლის ფოტოში არსებული ფერების რაოდენობას. „გლენმორანჯის“ მიერ სპეციალურად ამ მარათონისთვის შექმნილი ტექნიკოლორ ფილტრის პოვნა შესაძლებელია Kolga-ს, at.ge-სა და Hammock-ის ინსტაგრამ გვერდებზე.
დროის ინტერვალს რაც შეეხება, ის 4-დან 25 მაისის ჩათვლით გაიმართება. ანონსიც სწორედ 4 მაისს, 20:00 საათზე, ფოტო-ფესტივალ „ქოლგას“ გახსნის ცერემონიაზე შედგა.
გლენმორანჯის შესახებ:
გლენმორანჯის ვისკის შემქმნელები ექსპერიმენტულ გზას ირჩევენ და მუდმივად სვამენ კითხვას: რა იქნებოდა, თუ? თუმცა, ამავდროულად, ისინი მიჰყვებიან ვისკის წარმოების ტრადიციებს და მრავალფეროვანი გემოს შექმნას განსაკუთრებული სიფრთხილითა და ფილიგრანული ფანტაზიით ეკიდებიან.
„გლენმორანჯის“ დისტილერია 1843 წელს ადგილობრივი ფერმერის უილიამ მეთისონის მიერ შეიქმნა. ახლოს მდებარე სპირტის სახდელში მრავალწლიანი მუშაობის შემდეგ მან იჯარით აიღო მორანჯის ფერმა, რომელიც დორნოქის სანპიროზე მდებარეობდა და შექმნა საკუთარი დისტილერია, რომელსაც Glenmorangie უწოდა. ბრენდის დასახელებას საკმაოდ სიმბოლური მნიშვნელობა აქვს, კერძოდ, შოტლანდიურ გაელიკურ ენაზე ნიშნავს „სიმშვიდის ხეობას“. ეს ფრაზა სწორედ იმ გარემოს გამორჩეულ მშვენიერებას ეხმიანება, რომელშიც ბრენდმა დაიწყო არსებობა.
შოტლანდიაში, ჰაილენდის რეგიონში მდებარე ამ ადგილას წყალიც განსაკუთრებით გემრიელია. ის ძალიან მდიდარია მინერალებით, რაც ვისკის ჯადოსნურ გემოს სძენს — ამიტომ, დისტილერია ფლობს ტყეს, რათა მასზე განსაკუთრებული ზრუნვით, წყლის სისუფთავე დაიცვას. ერთალაოიანი ვისკის შესაქმნელი ინგრედიენტები შეზღუდულია (ქერი, წყალი, საფუარი); მკაცრია შოტლანდიური ვისკის წარმოების წესებიც.
„გლენმორანჯი“ კვლავ მოწინავე ბრენდია ინდუსტრიაში, იმსახურებს კრიტიკოსების დადებით შეფასებებს და არაერთი კონკურსის გამარჯვებულიც გამხდარა. ალბათ, მის პოპულარობას ისიც უწყობს ხელს, რომ გარდა მაღალი ხარისხის ვისკის წარმოებისა, სხვაგვარადაც უკავშირდებიან აუდიტორიას — ამის ერთ-ერთი მაგალითია ფოტომარათონის მოწყობაც, რომელიც ინდუსტრიის საზღვრებს გარეთ გადის და სრულიად სხვა სფეროს წარმომადგენლებს იზიდავს.
გლენმორანჯის ტექნიკოლორ ფილტრით ყველაზე ფერადი კადრის გადასაღებად, გამოიყენეთ მობილური ტელეფონი და გადადით ამ ბმულზე.
[R]
