in

„ზოდი“ ახალ, დიდ მოგზაურობას იწყებს — განახლებული სტრატეგია, ვიზუალური კონცეფცია და სლოგანი 

სულ ახლახან „ზოდი“ მომხმარებლის წინაშე განახლებული ბრენდინგით წარდგა — შეიმუშავა ახალი სტრატეგია, დახვეწა და გაათანამედროვა ლოგო და, რაც მთავარია, მიზნად დაისახა, მომხმარებელს განსხვავებული გამოცდილება შესთავაზოს. როგორც კომპანიაში ამბობენ, „ზოდის“ მიერ წამოწყებულ სასიამოვნო ცვლილებებს ნაბიჯ-ნაბიჯ გაგვაცნობენ და საბოლოოდ, შეეცდებიან, რემონტთან მყარად დაკავშირებული არაერთი სტერეოტიპი დაამსხვრიონ.

BOG
BOG

განახლებულ ბრენდინგზე „ზოდის“ ამჟამინდელ ხედვასა და მიზნებზე კომპანიის მარკეტინგის სამსახურის ხელმძღვანელმა, ნაზი (ნაზიტა) მაზანიშვილმა და პროექტის ერთ-ერთმა ავტორმა, სააგენტო LIVE Branding-ის დამფუძნებელმა, ალექს ჩიქოვანმა ისაუბრეს.

M:ნაზი, პირველ რიგში, მოკლედ მოგვიყევით „ზოდზე“ და იმ უპირატესობებზე, რაც მას სხვა კომპანიებისგან გამოარჩევს?

ნაზი მაზანიშვილი: „ზოდი“ 2007 წლიდან ოპერირებს ქართულ ბაზარზე და მომხმარებლებს სთავაზობს ინტერიერისა და ექსტერიერის კარების, ბუნებრივი ქვებისა და ამ პროდუქტებთან დაკავშირებული სარემონტო-მოსაპირკეთებელი მასალების ყველაზე დიდ ასორტიმენტს. ამასთანავე, „ზოდში“ ხელმისაწვდომია სრული სერვისი — აზომვა, პროდუქტის ფორმირება, დამზადება, ტრანსპორტირება და მონტაჟი როგორც კარის, ისე ქვის მიმართულებით. 

„ზოდის“ განვითარების გზაზე ძალიან მნიშვნელოვანია 2019 წელი, როდესაც კომპანიამ ადგილობრივი საწარმო გახსნა. სწორედ აქ მუშავდება უმაღლესი ხარისხის ქართული ქვა — კირქვა, რომელიც პოპულარულია არა მხოლოდ ქართველ მომხმარებლებში, არამედ დიდი მოწონებით სარგებლობს ქვეყნის გარეთაც. უნდა აღვნიშნოთ ისიც, რომ „ზოდი“ პირველი და ერთადერთი კომპანიაა, რომელმაც საქართველოში კირქვის მოპოვებისა და დამუშავების ტრადიცია აღადგინა.

M: როგორ მიხვედით რებრენდინგის გადაწყვეტილებამდე?  

ნაზი მაზანიშვილი: „ზოდს“ უკვე 17-წლიანი ისტორია აქვს. ცვლილებები კომპანიის ზრდამ გამოიწვია, საჭირო იყო ახალი სტრატეგია და, შესაბამისად, ბრენდის ატრიბუტების განახლება. ვფიქრობთ, კომპანიას სწორი ნიშა აქვს ბაზარზე, თუმცა აკლია მკაფიო ფოკუსი და პოზიციონირება. ამიტომ შეიქმნა კომპანიისთვის უმნიშვნელოვანესი დოკუმენტი სტრატეგიის სახით და განახლდა ლოგო და ვიზუალური სტილი. ამ ახალი სტრატეგიის აღსრულება „ზოდის“ გუნდის უახლოესი პერიოდის გეგმებში უმთავრეს ადგილს დაიკავებს. 

„მოკლედ რომ ვთქვათ, „ზოდი“ ახალ, დიდ მოგზაურობას იწყებს, რომელმაც ინდუსტრიაში უდიდესი ცვლილებები უნდა გამოიწვიოს“.

M: ალექს, რა ამოცანა ჰქონდა „ზოდს“ და როგორი იყო რებრენდინგზე მუშაობის პროცესი?

ალექს ჩიქოვანი: „ზოდი“ გაიზარდა და, მათ შორის, დაიმატა ისეთი საშვილიშვილო საქმე, როგორიც ქართული ქვის მოპოვება-დამუშავება და, რაც მთავარია, მისი საერთაშორისო ბაზარზე გაყიდვა-პოპულარიზაციაა. გარდა ამისა, ბაზარზე ახალი გამოწვევებია. შესაბამისად, ამოცანა იყო, კომპანიის ზრდა და გამოწვევებზე პასუხი მოქცეულიყო კონკრეტული, ახალი სტრატეგიის ფარგლებში, რომელიც დისციპლინირებულად და ფოკუსირებულად მოქმედების სახელმძღვანელო იქნებოდა.

„ზოდის“ სამომავლო ცხოვრების, სტრატეგიის განმსაზღვრელ ნაბიჯებზე მუშაობა, სიღრმისეული ანალიზი, რა თქმა უნდა, რთული, ფიქრითა და მრავალფეროვანი ვარიანტების აწონ-დაწონით დატვირთული პროცესი იყო, რადგან სიახლეს ყოველთვის ახლავს შიში. თუმცა თანამშრომლობის პროცესი იმდენად კონსტრუქციული იყო, რომ ეს ყველამ ერთად გადავლახეთ. კარგი დამკვეთი პროექტის წარმატების 80%-ია, „ზოდის“ გუნდი კი სწორედ კარგი დამკვეთის კატეგორიას მიეკუთვნება. მადლობა მას ამისთვის.  

M: როგორ შეიცვალა „ზოდის“ ვიზუალური კონცეფცია და სტრატეგია? რა შეინარჩუნეთ უკვე არსებული იდენტობისგან?

ალექს ჩიქოვანი: ბრენდები უდიდეს ძალისხმევასა და დროს ხარჯავენ, რათა ადამიანებს თავი დაამახსოვრონ. ამიტომ მათი არსებული საკომუნიკაციო ატრიბუტების, აქტივების რადიკალური ცვლილების მომხრე არ ვარ ხოლმე (თუ, რა თქმა უნდა, საქმე ძალიან შეუსაბამო ელემენტებთან არ გვაქვს). რატომ უნდა წაუშალო ადამიანებს ვიზუალური (და სხვა) მახსოვრობა ერთი ხელის მოსმით? ამიტომაც, სტრატეგებმა „ზოდს“ შევთავაზეთ, რომ არსებული ვიზუალური კონცეფციის იდეა, ფორმები და სილუეტი შენარჩუნებულიყო, მაგრამ გაგვეთანამედროვებინა და დაგვეხვეწა სახლის სილუეტი, სამკუთხედი ფორმა და ფერები. 

შედეგად მივიღეთ ძალიან გალამაზებული ძველი იდეა. დიზაინის ტერმინი რომ ვიხმაროთ, წარმატებით შესრულდა „ზოდის“ ვიზუალური სტილის ევოლუცია და თავიდან ავიცილეთ რევოლუცია“.

განახლებულ ვიზუალურ კონცეფციაში საქმიანობის აღმწერი ახალი გზავნილი — ქვა, კარი და სხვა — აისახა. სიტყვების თანმიმდევრობა და მნიშვნელობაც კარგად ნაფიქრია. „ქვამ“ გადმოიწია წინ, როგორც აწ უკვე ფლაგმანმა პროდუქტმა. მას „კარი“ მოსდევს, რომელიც, ასევე, „ზოდის“ ერთ-ერთი წამყვანი პროდუქტია. „სხვა“ კი დამატებით სარემონტო მასალებს აერთიანებს და მომხმარებელს მიუთითებს, რომ აქ სხვა საჭირო მასალებსაც გთავაზობენ. ადრე „ზოდი“ მომხმარებლის აღქმაში პოზიციონირდებოდა, როგორც კარისა და ნაწილობრივ (მოსაპირკეთებელი) ქვის საყიდელი ადგილი. ახლა უკვე მეტი აქცენტი კეთდება ქვაზე და, რა თქმა უნდა, სხვა პროდუქტებზეც, რომლებიც განსაკუთრებით კართან და ქვასთან არის კავშირში.

„ზოდის“ გუნდთან ერთად, ძალიან სერიოზულად ვიფიქრეთ მომსახურების გაუმჯობესების ნაწილზეც, რადგან პრობლემა კონკრეტული პროდუქტის შეძენამდე კონსულტაციის გაწევა და შემდგომი მომსახურებაა და არა უშუალოდ ყიდვა. 

ამიტომ „ზოდი“ ადამიანებს სთავაზობს, გემრიელად შეიძინონ ის, რაც სჭირდებათ, როცა სჭირდებათ და როგორიც სჭირდებათ. შეძენაში კი მთლიანი პროცესი იგულისხმება — გადაწყვეტილების მიღებიდან პროდუქტის მონტაჟისა და ექსპლუატაციაში გაშვების ჩათვლით“.

M: როგორ აისახება „ზოდის“ ახალი სტრატეგია და ვიზუალური იდენტობის ცვლილება კომპანიის პოზიციონირებასა და კომუნიკაციაზე?

ნაზი მაზანიშვილი: ცხადია, ზედმიწევნით გავყვებით სტრატეგიას და თითოეული ნაბიჯი მიემართება ისეთი დეტალების დახვეწაზე, რომლებზედაც ადრე ყურადღებას ნაკლებად ვამახვილებდით. სრულიად განსხვავებული იქნება 2024 წლის კომუნიკაცია და ვფიქრობთ, არსებული თუ პოტენციური მომხმარებლების თვალში „ზოდი“ განსაკუთრებულ ადგილს დაიკავებს.

სამწუხარო ფაქტია, რომ რემონტი და მშენებლობა, სხვადასხვა მიზეზის გამო, თავის ტკივილთან ასოცირდება, არადა სარემონტო პროცესის მიზანი ახალი და სასიამოვნო გარემოს შექმნაა. „ზოდში“ დარწმუნებული ვართ, რომ სტერეოტიპების დამსხვრევა შესაძლებელია. 

გვჯერა, რომ ჩვენი მომხმარებლები იმსახურებენ, სრულად განიცადონ რემონტით მიღებული სიამოვნება. ამიტომაც ჩვენი მამოძრავებელია, დავნერგოთ ჩინებული პრაქტიკა, რათა ადამიანების ნერვებს, დროსა და ფინანსებს გავუფრთხილდეთ“. 

საბოლოოდ კი, თუ  ჩვენს მომხმარებელს გაუჩნდება კითხვა, სად შეიძინოს ქვა, კარი და სხვა მასალა უმტკივნეულოდ, უპირობო პასუხი უნდა იყოს — „სად, თუ არა ზოდში!“


Credits

სააგენტო: LIVE Branding

სტრატეგები: ალექს ჩიქოვანი, სალომე ჩხეიძე, თამარ კაჭახიძე

დიზაინი: MESH Grafik – მაშო ნარტყოშვილი, მეკო ჭიკაძე

[პარტნიორის კონტენტი]

„მივიყვანოთ საქმე ბოლომდე – ახლა!“ – ნახეთ, ACAG-ის პრინტ კონკურსის ნამუშევრები ევროკავშირში გაწევრიანების თემაზე

თბილისი მოლის ახალი სიცოცხლე იწყება